السيرفر الجديد مالو؟

السلام عليكم ورحمة الله وبركاته

الموضوع مش شكوى .

انا عايز اعرف السيرفر بتاع المنتدى الجديد اتوقف ولا اية لانى مش عارف ادخل علية

ياريت حد يرد علية ويارت ي تامر تقول فى اية علشان انا ش فاهم حاجة

ســــــــــــــــــ لا م

بص يامحمود بصراحة كده انا بدعى عليك دلوقتى لان انا كتبت رد ع موضوعك ده من شوية بس الظاهر كده

النت فصل قبل مايعتمده

بس عشان خاطرك بس هاارد عليك تانى

بص ياسيدى السايت التانى سيرفر الخاص بالشركة اللى انا مستضيف عندها حصل فيه حاجة

ولسه مفيش اخبار عن الشركة لغاية دلوقتى

وكمان البيك أب ( النسخة الاحتياطية للمنتدى ) أخر نسخة تم اخذها كان ع الهارد بتاعى

والله اكبر الهارد بتاعى ف صيانة دلوقتى وجالى خبر ان اللى عليه خلاص ضاع

يعنى الهارد باظ

.... طبعا هتقولى اومال ياعمونا الشغل اللى احنا عملناه ف السايت مصيره ايه !!! ....

قبل ماأجاوب ع النقطة دى أحب أقولك حاجة ياكاجوال ... البيك أب اللى ع الهارد تم أخذه قبل مانت تسجل ف المنتدى

بالعربى انت موش فيه هههههههه فلو تم العثور ع البيك أب هيكون محتوى ع الفترة اللى قبل مجيئك للسايت وتسجيلك فيه

يعنى لازم تسجل من جديد

البيك أب بقى ف أمل واحد بس يارب ألاقيه لو لم يتم العثور عليه

يأسفنى ان أقولكم المنتدى ضاع والبيك أب ضاع

..... طب ايه العمل دلوقتى ... يعنى هنعمل ايه وهنشتغل فين وايه النظام !!! .......

بص ياسيدى المنتدى اللى احنا فيه دلوقتى ده المنتدى الاساسى بتاعنا ويعتبر حلقة الوصل بين الادارة والاعضاء

عند توقف نشاطنا ف المنتدى اللى بنشتغل فيه

...... يعنى هنشغتل هنا ونعمل مواضيع ولا ايه النظام ياعمونا !!! ......

مش ممنوع اننا نشتغل هنا وهنلاقى الردود والمواضيع ونكتب ونبدع بس تاتو الرخم اللى عاملى فيها أدمن هيقولك

المنتدى ده مالوش بيك أب يعنى الشغل ده له نسخة واحدة بس بالعربى مش ينفع يتنقل لمنتدى تانى غير ده

..... طب ايه العمل ياعمونا !!!!! ....

بص ياسيدى كل واحد حر هنا عايز يشتغل اوكى مش عايز اوكى برضه

بس أحب أذكرك ان أنا بخلى مسئوليتى عن شغلك هنا يعنى مش هااعرف انقلهولك لسايت تانى !

يعنى الحل انك لو عايز موضوع معين هنا وعايز تنقله لمنتدانا اللى بنشتغل فيه يبقى عن طريقة

كوبى وباست للمنتدى التانى

....... طب انت ياعمونا الأدمن هتعمل ايه !!!!!!!! .....

ف الأول بشكر واحد واحد وضع حرف ف منتدانا سواء هنا او اللى كان ع السيرفر الجديد

وأحب أنوه ان المنتدى ده يحتوى ع أعظم المواضيع وع اعظم أعضاء قيادا وشغل لان الاعضاء اللى هنا

يعتبروا حجر الأساس لظهور منتديات زووم ( مزيكا ع المكشوف )

بالنسبة بقى ليا أنا هااعمل ايه وايه النظام :-

اعتقد ان الايام دى معظمنا عنده امتحانات بما فيهم أنا

فاان شاء الله بعد الامتحانات ترقبوا مفاجأة يارب تعجبكم

وان شاء الله خير

واتمنى ياكاجوال & الأعضاء ان انا قدرت أشرح كل مايدور ف ذهونكم من أسئلة واستفسارات

وأى استفسار أنا حاضر ان شاء الله

تحياتى للجميع

TaTo

تمام كدا يا تامور

الله ينور على الشرح يا باشا

ولا يوجد استفسارت اخرى للعضو كاجوال

ســــــــــ لا م
kajwalL